PROGRAMACIÓN

POÉTICAS PARA UNHA VIDA

Verbum. Museo das palabras.

VIGO. Abril e Maio de 2009

Coordinación:Asociación cultural Inaudita.org Cando a poesía e a vida son inseparables até chegar a confundirse xorden propostas estéticas que arrincan desde o experiencial e que pretenden apoderarse do valor intrínseco da palabra para exercer o seu poder emancipador. A oralidade, a visualidade e a acción dotan á linguaxe dunha nova semántica do máxico, na que a liberdade de expresión circula a través de camiños de sensorialidade. Non se trata de ilustrar á linguaxe senón de que este recobre a súa forza comunicadora, aínda a risco de escapar do xa publicado e por publicar, para finalmente quedar no aire, como breves composicións musicais que se perden. Poetas que dedican a súa vida á poesía. Poetas que se serven da poesía para loitar pola vida. Poetas de recoñecida traxectoria e poetas que empezan a desenvolver unha linguaxe propia a través do vivencial. Tal foi o criterio de selección para un ciclo que pretende non ser primeiro e último nunha cidade inaudita que mira ao mar con desasosego. Ao longo dos meses de Abril e Maio, no Museo das Palabras no espectador poderá atopar diversas e diferentes intervencións que con toda seguridade non lle deixarán indiferente. Para elas non é necesaria a erudición, tan só respirar e abrir os poros da pel. Julio Fernández Peláez 4 de ABRIL 20h. Presentación do ciclo. 20:30h. ARTE, PAZ, VIDA Clemente Padín Proxección documental das performances e accións deste poeta, artista e activista uruguaio (1984 – 2003). Duración aproximada: 1h. 11de ABRIL 20h. ON THE ROAD Tiago Gomes e Tó Trips (Dead Combo). Performance baseada en textos do poeta Jack Kerouac. Route 66, América de todos os soños comúns a todas as estradas do mundo: vías rápidas e secundarias, deserto, cidades perdidas na noite, canellóns sen saída. Vídeo-beat de Raquel Castro. Duración aproximada: 1h 18 de ABRIL 20h. NOVE María Lado. Recital + videopoemas + música. Intervención baseada nos poemas do seu último libro « nove »: un poemario sobre o exilio interior e a dor. Duración aproximada: 45 m. 18 de ABRIL 21h. SANTIA FISTER Nela Que e Dr. Pause. Acción pluripoética. Peza-collage na que conviven pintura e composicións visuais a tempo real, palabras, fetos sonoros e presentación escénica de acción: os ladrillos pesan, a auga molla. Duración aproximada: 45 m. 25 de ABRIL Desde las 10h. SEÑALES DE ADVERTENCIA Daniel Rojo. Intervencións na rúa. Centro histórico de Vigo. Poesía visual. 2 de MAYO 20h. PERFORMANCE POÉTICA Fernando Aguiar. Poemas experimentais e sonoros. Traxes-soneto e sonetos onde as palabras son substituídas por accións. Poesía visible, na que as palabras deveñen en obxectos para ser manipuladas, disparadas, resgadas, destruídas, deixando ao espido o seu sentido. Duración aproximada: 40 m. 9 de MAYO 20h. TERRITORIOS SONOROS Bartolomé Ferrando. 7 Pezas breves de poesía sonora. Poesía ligada ao conceptual. Poesía discursiva. Poesía concreta. Poesía proceso. Investimentos. Música visual, música nocturna. Encontro e xustaposición de linguaxes. Duración aproximada: 35 m. 16 de MAYO 20h. NORMAS AD HOC Victor Bonet “Antes foi terra, logo terreo, mais tarde territorio...” Poética da imaxe e do corpo. Acción contundente, eficaz, sen espazos para os artificios e os enganos. Minuciosa posta en escena e coidado emprego dos materiais. Duración aproximada: 40 m. 23 de MAYO 20h. (((((((FATALISMO CIRCULAR))))))) Margarida Chambel e Nuno Oliveira. Acción inserida entre a arte sonora e a oralidade. Texto cantado e modificado co corpo. Performance da repetición baseada na obra poética do existencialista portugués Raúl Brandão. Interacción co público. Duración aproximada: 50 m. 30 de MAYO 20h. RECITAL Chus Pato. Obra caracterizada pola radicalizade, a experimentación demoledora de discursos e lugares comúns herdados. Escritura desbordante, polifonía de voces que van desde o propia poeta a unha pléiade de personaxes imaxinarios.Conciencia de non neutralidade e non naturalidade da linguaxe. Duración aproximada: 45 m. 21h. CLAUSURA